انت مع او ضد الموضوع جامد ارجو التثبيت لعبة صاروخ

مع

انت مع او ضد ان الصحاب يتريقو على شكل بعض حتى لو كان هزار ><؟
_________________

انا عن نفسى مبزعلش من الهزار لكن لو واحد من اصحابنا زعل لازم نوقف الهزار ده

اللى بعدى هل انت أو مع ان الحب ممكن ييجى عن طريق النت؟

_________________

ضد لانه مش بيبقى حقيقي بيبقى تسليه ولعب ونادر انه يبقى حقيقي او ينجح بعدين اللى بيحب حد بيحب تفاصيله وملامحه وشخصيته لكن فى النت سهل جدا انه يكدب

انت مع او ضد ان الواحد ياكل وهو قاعد على الكمبيوتر؟
_________________

انا ضد الاكل قدام الكمبيوتر لان الاكل ده مكان لتجمع الاسره لازم الكل يتجمعوا مع بعض

انت مع ولا ضد ان البنت تدخل على غرف الشات؟

_________________

مع

انت مع او ضد ان الواحد يدرس تاريخ >< ؟
_________________

معاه طبعا وخصوصا لو كان دوله تاريخها مشرف عشان بنشوف احنا كنا ايه وبقينا ايه ونحاول نبقى أحسن

انتى موضحتيش سبب الاجابه اللى فاتت أرجو انك توضحيه عشان ده من قوانين اللعبه

اللى بعدى مع ولا ضد ان الواحد يصارح حبيبته بعلاقاته اللى فاتت

_________________

بالنسبه للسؤال اللى فات انا مع عشان البنت مساويه للولد لو هو بيدخل يبقى عادى لو هى دخلت

وبالنسبه للسؤال ده مع عشان ميبقاش فى خلافات بينهم فى المستقبل وتبقى علاقتهم مبنيه على الصراحه

انت مع او ضد ان الاهالى يضربو اولادهم لما يغلطو؟
_________________

انا احيانا بكون مع الضرب عشان فى أولاد مبتجيش الا بالضرب وفى أولاد الضرب بيجيب معاهم نتيجة عكسيه
فعلى اساس نوع الطفل وطبيعة شخصيته بيكون العقاب

انا فى سؤالى اللى فات مكانش قصدى كده انا كل اللى كنت أقصده ان غرف الشات فيها كلام قليل الادب

اللى بعدى انت مع ولا ان البنت ترتبط بواحد مبتحبوش على اساس ان الحب هييجى بعد الجواز؟

_________________

بص زى ما فى الوحش فى الكويس يعنى هى ممكن تتعرف على ناس كويسه منه

وبالنسبه للكلام ممكن تطلع من الروم يعني

لا ضد هى ممكن اه تتعود عليه لانه جوزها بس مش تحبه اولا لانها اتغصبت عليه والواحد مش بيحب الشيء المفروض عليه ثانيا الحب بيجي فجاه وفى اى وقت مش مع مرور الوقت

اللى بعدي انت مع او ضد انو يعملو جيش نسائي ويبقى لازم على البنات بعد ما يخلصو دراستهم؟
_________________

أنا ضد ممكن البنات يشتغلوا ممرضات لكن فى الجيش مظنش عشان ده طبيعة البنت انها رقيقه لكن طبعا الجيش مينفعش فيه الرقه خالص زى مجال البترول المهندسين شغالين فى الصحرا

اللى بعدى انتى مع ان المرأة تكمل مع جوزها حتى لو مبتحبوش عشان الاولاد

_________________

انا ضد فى حالة ان هو لا يطاق وبيتعامل معها وحش ساعتها تطلق لكن لو بيعاملها كويس خلاص تقبل العيشه عشان اولادها

انت مع او ضد ان البنت تتعلم الطبخ بعد ما تتجوز؟
_________________

والله أنا رأيى ان لازم تكون متعلمه الاساسيات وبعد كده تتعلم عشان جوزها ميزهقش لان أحسن أكل هو الأكل اللى بتبقى مراته عاملاه

اللى بعدى مع ولا ضد ان المرأه تشتغل؟
_________________

مع طبعا لان المرأه نص المجتمع

انت مع او ضد ان العصمه تبقى فى ايد الست؟
_________________

انا مش ضدها عادى بس انا شايف ان لو الزوج والزوجه بيحبوا بعض ومتفاهمين مع بعض مش هيبقى الموضوع ده مشكله لو العصمه فى ايد الزوج وهو بيحترم مراته ولو هو كان شايف ان عندها حق فى طلب الطلاق هيطلقها
لكن مع احترامى للبنات الراجل بيتحكم فى تصرفاته أكتر فأنا عن نفسى بفضل أنها تكون فى ايد الراجل

انت مع ولا ضد زواج القرايب؟

_________________

ضد لانه بيكون فى مشاكل وامراض وبلاوى هو مش دايما بس انا مش بفضله يعنى

انت مع او ضد ان المدرسين يهزقو الطالب قدام زمايلو لما يغلط؟
_________________

الموضوع ده رأيى فيه زى رأيى فى موضوع ضرب الاهالى لاولادهم فى طلبة مش هتزاكر الا بالضرب يبقى الضرب هو الحل الوحيد هشان يذاكروا

وفى طلبة الضرب معاها بيقلب بنتيجة عكسيه

انت مع ولا ضد ان البنت تتجوز فى سن صغير

_________________

ضد طبعا لانه مش بيكون عندها الوعى الكافى عشان تحل مثلا مشاكل الجواز ومش هتبقى قد المسؤوليه وبعدين لازم الواحد يعيش كل فترة من حياته ويستمتع بيها لا يكبر قبل الاوان ولا يتسخط

انت مع او ضد ان اللى فى سن المراهقه يحبو؟
_________________

لاء مش معاه لانه بيكون حب مش ناضج وبينتهى بسرعه
بس منقدرش نمنع اى حد فى الدنيا انه يحب بس المهم انه يكون حب ناضج كامل بين الطرفين
واللى بيحصل دلوقتى بلنسبه لحب المراهقين انه مش بيدوم لوقت طويل وبينتهى بسرعه
انت مع او ضد ان اهلك يختارولك الانسانه اللى هتعيش معاها فى المستقبل وتكون شريكه حياتك؟

انا ضد لاني بؤمن ان الواحد لازم يعيش قصة حب الاول وياخد شريك حياته عن حب

انت مع او ضد ان البنت تعترف بحبها للولد ؟
_________________

انا معاه لأن زى اما الولد من حقه انه يعبر عن أحاسيسه البنت كمان من حقها انها تعبر عن أحاسيسها

انت مع أو ضد ان الواحد يضحى بحبيبته عشان الظروف الماديه؟

_________________